End of Public Road III

D’fhreastail an dealbhóir Dan Wolgers ar an Konsthögskolan (1980-1985) sula bhfuair sé post ann mar mhúinteoir deich mbliana ina dhiaidh sin. Is ealaíontóir é Wolgers a bhíonn cáinteach (nó meiteacháinteach) faoi shaol na healaíne ach a chuireann a chuid ábhar gearáin in iúl trí úsáid a bhaint as greann meidhreach agus fileata, rud a cheanglaíonn é le traidisiún agus teicnící na nDadaíoch. Is duine conspóideach é uaireanta agus tá an dlí briste aige (in 1993, i gcomhthéacs taispeántas ar coimisiúnaíodh é chun páirt a ghlacadh ann, fuair Wolgers bínsí ó Halla Ealaíne Liljevalch ‘ar iasacht’, bínsí a dhíol sé ar ceant níos déanaí; gearradh fíneáil air agus ciontaíodh in oilghníomh ina dhiaidh sin é). Tá an duine thar a bheith lárnach i saothar an dealbhóra ó thaobh coincheapa agus raoin de. Léiríonn an tsraith End of Public Road (cúig shaothar san iomlán) gné an phobail atá le fáil ina chuid saothar. Go deimhin, is annamh a fhaightear na comharthaí tráchta seo sa tSualainn, a thír dhúchais, áit ar bóithre poiblí formhór mór na mbóithre. Trí thaifead a dhéanamh ar an áit a dtagann ‘deireadh’ leis na spásanna poiblí seo, meabhraíonn sé don bhreathnóir gach a bhfuil i gcoiteann acu.