Gan teideal

Tá an péintéir, an priontealaíontóir agus an damhsóir Charles Tyrell ar dhuine de na healaíontóirí is mó le rá i saol na healaíne comhaimseartha in Éirinn. Bhain sé céim amach ón gColáiste Náisiúnta Ealaíne is Deartha (NCAD) in 1974, agus chuir sé spéis go tapa i dtacaí a úsáid ina chuid péintéireachta a roghnaíodh go cúramach. Sna 1980idí, mar shampla, tharrtháil sé adhmad ó Eaglais Naomh Peadar (Baile Átha Cliath) a bhí á leagan lena úsáid mar phainéil chun péinteáil orthu. Tá machnamh leanúnach déanta ag an ealaíontóir ar bhunábhair ó shin, ag cur lena chuid uirlisí agus modhanna, agus chuir sé spéis ar leith níos déanaí sa phéinteáil ar alúmanam. Is píosa é Untitled a chruthaigh an tÉireannach go luath ina ghairm. Tá an saothar teibí bunaithe ar struchtúr cothrom a bhfuil íomhá fhrithchaite feadh líne thrasnánach mar threoir aige den chuid is mó, líne a théann ón gcúinne íochtair ar chlé go dtí an cúinne uachtair ar dheis. Feadh na líne seo arb ar éigean is féidir í a fheiceáil, athraíonn ton na ndathanna ó gheal go dorcha, ó the go fuar, amhail is dá mba faoi scáth a bhí leath an tsaothair, agus faoin ngrian a bhí an leath eile. Seasann an líne chuartha dhúdhearg a théann tríd an leath íochtair den phictiúr amach, gné is féidir a fháil i ngach ceann de phíosaí Tyrell ó 1979.