Senza Titolo (Gan Teideal) Gan teideal

Rugadh i bPeiriú é agus fuair sé a chuid oideachais sa Ghearmáin. Rinne Máro gné idirnáisiúnta dá ghairmréim a bhunadh go luath. Lean sé sin ar aghaidh níos faide anonn, agus bhain an t-ealaíontóir duaiseanna agus fuair sé poist chónaitheachta agus post oinigh i Monacó, sa Fhrainc, sa Bhrasaíl, sa tSualainn agus sna Stáit Aontaithe. Tagann na heispéiris chultúrtha shaibhritheacha sin le chéile ina a chuid ealaíne, le rianta de ghnóthachtáil ealaíonta Réamh-Cholómaí agus de ghnóthachtáil ealaíonta chomhaimseartha Mheiriceá Theas, chomh maith le cleachtais avant-garde ó Iarthar na hEorpa. Tá an cleachtais avant-garde le féiceail go soiléir in obair scuaibe Máro. Is eispriseanaí catairseach atá ann a théann ‘thar’ an phictiúr. Ní líníocht atá sna buillí ach comharthaí, agus gluaiseachtaí, a chuireann fisiciúlacht an nós imeachta in iúl. In ainneoin an fhráma, tuigeann an breathnóir láithreach nach bhfuil sa canbhás ach ceann amháin de na dromchlaí ar a bhfuil na línte gorm agus flannbhuí. Is i bhfíorspás a mhaireann an comhartha as ar tháinig sé, agus, dá bhrí sin, briseann sé seachmall an fhráma mar spás as féin. Mar thoradh air sin, tá cuma níos cothroime, fiú amháin, ar an gcanbhás – píosa de na míreanna mearaí neamhchríochnaithe, agus fágtar cíocras ort níos mó a fháil.