Study for Swerve

Bruce Russell studja d-disinn grafiku u t-tipografija fl-Iskola prestiġjuża tal-Arti ta' Chelsea, taħriġ li għadu jsib ruħu – anke jekk indirettament – fix-xogħol tiegħu. Il-forom kollha ta' sinjalazzjoni jidhru li huma sors potenzjali ta' ispirazzjoni għal Russell: Mapep, dijagrammi, ċarts (bil-leġġendi u d-didaskaliji tagħhom); glifi, morfi, tropi; lingwa ċinematika – wipes, fades, dissolves, jump cuts, inserzjonijiet, sinjali, simboli u serifi ta' kull tip. Fi Study for swerve, għalkemm is-semjotika hija pjuttost sempliċi, in-narrattiva viżiva hija bla dubju effiċjenti, bil-liwja tat-titlu tiggwida l-ħarsa mill-kantuniera fin-naħa t'isfel fuq ix-xellug lejn il-lemin t'isfel, u b'hekk tmexxi l-għajnejn matul il-pajsaġġ astratt. Jekk wieħed jieħu l-ħin biex jiffoka b'mod aktar intens fuq l-isfond, jirrealizza kemm hu neċessarju dan il-passaġġ viżiv għas-sovraimpożizzjoni konfuża ta' pjani, grilji u kontorni tal-muntanji.