LEANDER KAMPF & SAM ALEKKSANDRA

“Democratic Body: Let Your Move Be Resistance”, 2024

Spettaklu fuq vidjo

Spettaklu ta’ żfin poetiku mill-poeta Sam Alekksandra u ż-żeffien Leander Emanuel. Dan sar fis-26 ta’ Mejju, fit-30 ta’ Mejju u fit-2 ta’ Ġunju 2024, u ġie ttrasformat fi spettaklu fuq vidjo, b’Leander Emanuel fuq l-iskrin u l-poeżija ta’ Sam Alekksandra tinstema’ bħala taħdit sovrapost.

“Let Your Move be Resistance” huwa xogħol multidixxiplinari li jesplora l-kunċett tad-demokrazija u kif il-votazzjoni tista’ tkun mossa ta’ reżistenza. Leander Emanuel qed jiżfen koreografija bbażata fuq stħarriġ online. L-għan tiegħu kien li jinvolvi lin-nies direttament fil-proċess tal-ħolqien biex jara kif dan ikun affettwa l-koreografija.  

Huwa akkumpanjat mill-poeta Sam Alekksandra, li kitbet poeżija li titkellem għall-ħafna li m’għandhomx il-privileġġ tal-vot u għal dawk kollha li mietu fil-ġlieda għad-demokrazija. Permezz ta’ din il-poeżija, hija turi li anke jekk il-votazzjoni jinħass li għandha impatt żgħir ħafna, xorta waħda huwa importanti li nivvutaw, għaliex għandna d-dritt, u nagħmlu impatt b’kull vot li nitfgħu.

Il-movimenti jaqblu mal-kliem u jgħinu biex tiġi viżwalizzata t-tifsira tal-kliem. Il-koreografija qiegħda hemm biex tagħmel aktar tanġibbli xi ħaġa astratta bħall-elezzjonijiet u d-demokrazija. Flimkien mat-test, l-ispettaklu jrid iħeġġeġ lin-nies jieħdu azzjoni għad-demokrazija tagħna.